Tha sinne aig Blackbaud a’ tuigsinn na dùbhlain a tha mu choinneamh sgoiltean an-diugh agus is ann againn fhìn a tha fuasgladh do sgoiltean a bheir comas, aig an aon àm, do dh’oileanaich sùil a thoirt air na tha de dh’obair-dhachaigh aca, do thidsearan toraidhean measaidh a chlàradh, do phàrantan bile a phàigheadh, do luchd-obrach na sgoile a bhith ri rianachd agus mòran a bharrachd, gach rud air an aon siostam làn-cheangailte ùr-nòsach san neul.

’S e Canvas an t-ùrlar ionnsachaidh as fhearr a thaobh cleachdaidh, gnàthachaidh is seasmhachd is e ag obair 99.9% dhen ùine. Thionndaidh daoine thuige-san is tha e ga chleachdadh air barrachd dhòighean is le barrachd dhaoine na LMS sam bith eile. Feuch mar a tha Canvas a’ dèanamh teagasg is ionnsachadh nas fhasa dhan a h-uile duine.

’S e Moodle an t-ùrlar ionnsachaidh as cumanta san t-saoghal a tha stèidhichte air còd fosgailte agus a tha ga chleachdadh ann an sgoiltean, oilthighean, àitichean-obrach agus raointean eile air feadh an t-saoghail ann am barrachd air 100 cànan. Leis gu bheil raon de dh’acainnean so-ghnàthaichte do thidsearan, rianairean is oileanaich aige, a’ gabhail a-staigh co-aplacaidean làidir airson uidheaman mobile, gabhaidh a chleachdadh ann an iomadh suidheachadh eadar trèanadh structaraichte agus co-obrachadh fosgailte, air loidhne no ann an suidheachadh measgaichte.

’S urrainn do thidsearan obair-sgoile a chruthachadh ⁊ a mheasadh san LMS School Bytes slighe tuilleadan leabhar-nòtaichean clas OneNote agus foillsichidh seo atharrachadh sam bith air ais dha School Bytes gu fèin-obrachail agus leis a sin, cha bhi feum air dàta a chur a-steach de làimh ann. Còmhla ris an t-sàr-amaladh le Microsoft Office Online, bidh cothrom aig tidsearan ⁊ sgoilearan air Office 365 aonaichte is làn de ghleusan.