Ngā Taupānga E Whakaaturia Ana
Kia nui ake ngā painga OneNote e riro me ēnei taupānga, pūrere hoki.
Brother Web Connection
Ka taea e tō pūrere Brother (MFP/Pūkarapa tuhinga) te karapa atahanga me te tuku tika atu ki OneNote me OneDrive, mahue te haere mā tētahi RW.
Chegg
Ka āhei ngā ākonga ki te tiaki i ā rātou whakautu mahikāinga hira nō te Chegg Study Q&A ki OneNote. He mea māmā noa iho mā te pātene "Clip It" o OneNote. I reira, ka āhei koe ki te raupapa i ō whakautu ā-marau, ā-karaehe, ā-mahi rānei me te pupuri kia taea ai te rapu inamata ki OneNote. Hangaia te aratohu mātaitai tino pai rawa me te tiritahi ki ō hoa akomanga.
cloudHQ
Kōmitimitia ō tuhipoka OneNote ki te cloudHQ. Tukutahitia ō pukatuhipoka ki ētahi atu ratonga kapua e paingia ana pērā i Salesforce, Evernote, Dropbox. Kia māmā te mahi ngātahi me ētahi atu, te tiritiri i ō whakaaro i roto i tētahi taupānga, me te tukutahi aunoa ki OneNote. Pūruatia anō hoki ō pukatuhipoka ki ētahi atu ratonga kapua hei pare i ō whakaaro kei mukua ohoreretia.
Newton
Me tiaki ngā īmēra hira ki OneNote mā te pāwhiri noa mā Newton. Ahakoa he puka nama, he tohutao, he īmēra kiritaki hira rānei, me whakamahi tā Newton kōmitimiti OneNote kia pupuri tahitia ngā mea katoa.
Docs.com
Mā ngā Docs.com ka taea e ngā kaiwhakamahi te hōpara tuhipoka, rauemi ako rānei puta noa i ngā pukatuhipoka OneNote. Ka āhei ngā tāngata pēnei i ngā kaiako, ākonga hoki puta noa i te ao te tiro me te whakamahi anō i tō pukatuhipoka OneNote, kia whakapiki i te kaingākau, i te whakaawe hoki i roto i te hapori.
Doxie Mobile Scanners
He momo pūkarapa pepa hōu te Doxie ka taea te whakahiko anō, e taea ai e koe te karapa tuhinga i ngā wāhi katoa - kāore e hiahiatia he rorohiko. Whakahikoa noa ka whakakā, ahakoa kei whea koe - kōkuhuna tō pepa, ngā rihīti, me ngā whakaahua hei karapa, hei pūranga, hei tiri hoki. Ka karapa a Doxie i ngā wāhi katoa, kātahi ka tukutahi ki OneNote kia uru koe ai ki ō tuhinga katoa kua karapatia, ki ō pūrere katoa
EDUonGo
Ka tuku a EDUonGo i tētahi tangata kia whakarewa i tētahi wānanga tuihono, akoranga rānei ā te paunga ō ētahi meneti ruarua. Ka taea e ngā ākonga EDUonGo te kaweake māmā ō rātou akoranga ki ā rātou anō pukatuhipoka. Mā konei e māmā ai ki ngā ākonga te tuhituhi tuhipoka me te tiritiri ki ētahi atu. Ka taea hoki e ngā ākonga te tūhono ki ā rātou pūkete OneDrive. Hei kaiwhakaako, ka taea te whakauru ataata mai i Office Mix ki ō koutou akoranga.
Īmēra ki OneNote
Hopukia ngā mea hira ki a koe i a koe e haere ana mā te īmēra tika ai i aua mea ki tō pukatuhipoka! Tuku tuhinga, tuhipoka, rārangi tāpoi, me ētahi atu mea maha ki me@onenote.com, ā, ka raua e mātou ki tō pukatuhipoka OneNote, e urua ai koe mai i ō pūrere katoa.
Epson Document Capture Pro
Ka tuku te Document Capture Pro i a koe kia karapa māmā noa i ngā tuhinga, te whakatika whārangi, te tiaki kōnae, te whakawhiti raraunga hoki ki ngā papatono ka karapaina ki ngā pūkarapa Epson pērā i te Workforce® DS-30, DS-510, DS-560 me ētahi atu. Tētahi mea anō, ka taea e ngā kaiwhakamahi te karapa ki OneNote mā te pā kotahi, te uru māmā noa ki ngā tuhinga mai i ngā pūrere maha, te tiri rānei ki ētahi atu.
eQuil Smartpen2 & Smartmarker
Tuhia ō tuhipoka ki tētahi mata ka tuku ki OneNote mā te huri hei mata atamai ki te eQuil Smartpen2 me te Smartmarker. Koia te tikanga tūturu mō te hopu i ō whakaaro atamai.
Pūkawemai Evernote ki OneNote
Kawemai māmā noa ai ō tuhipoka i Evernote ki OneNote me te māia. Ka puritia raupapatia ai ō ihirangi ki tāu i pai ai, e āhei koe ki te tīmata anō i te wāhi i mutu ai koe.
Feedly
Mā Feedly e hono ngā kaipānui ki ngā pūrākau me ngā kōrero e ngākaunui ana rātou. Whakamahia a feedly kia tūhura, kia aru hoki i ngā ihirangi tino pai, ka tiaki tika ai ki OneNote mā te pāwhiri kotahi ngā tuhinga kairangi.
Paper and Pencil nā FiftyThree
Haere ake me ō whakaaro i te Pencil ki te Paper, ka kauneke ake anō me OneNote. Tuhi, tātuhi hoki me te tino hāngai whakarei me te ngāwari e mōhiotia whānuitia nei e Pencil, otiia ki te hē koe, takahurihia noa iho te pene kia kōmuru tikanga noa ai - tika pū tonu i OneNote. Tuhi māmā noa ai i ngā tuhipoka, hanga rārangitohu, tāhuahua hoki i roto o Paper ka tiri ki OneNote hei mahi i ētahi atu mea, pēnei i te mahi tahi ki tētahi tuhipoka tiritahi, te tāpiri tāhopu ororongo me te uru ki ō ihirangi ahakoa te pūrere.
Genius Scan
He pūkarapa te Genius Scan i tō pūkoro. Ka whakaahei i a koe ki te whakamamati tuhinga ā-pepa, te hanga kōnae PDF, me te roki inamata i aua mea ki OneNote.
IFTTT
Ka tukuna koe e IFTTT kia hanga hononga kaha mā te tauākī mataiti - mēnā ko tēnei ko tēnā. Whakamahia te Hongere OneNote ki IFTTT ki te hanga, ki te tiri hoki i ngā Tohutao he aunoa te hanga whārangi, te tukutahi ihirangi, te hono anō ki ngā hua me ngā ratonga e 80 neke atu.
JotNot Scanner
Ka tahuritia tō iPhone e JotNot ki tētahi pūkarapa kawe whārangimaha. Ka taea te JotNot te whakamahi ki te karapa tuhinga, rihīti, papamā, kāri pakihi, tuhipoka ki tētahi hōputu hiko. Ināianei e toroa ana e JotNot te whakakotahitanga tika tonu ki te pūhara OneNote o Microsoft, e taea māmā ai, tere ai koe te pūrua me te whakaraupapa i ō karapa mā te whakamahi i tō pūkete OneNote.
Livescribe 3 Smartpen
Mā te Livescribe 3 smartpen me te taupānga Livescribe+, tuhi noa ki te pepa ka kite i ngā tuhinga katoa e puta inamata ana ki tō pūrere pūkoro, e taea ai e koe te tūtohi, te rapu me te tahuri i ō tuhipoka ki te kuputuhi. Ka taea te tuku ngā mea katoa ki OneNote kia whakakotahitia ō tuhipoka me ō huahua ki ērā atu mōhiohio hira āu.
Mod Notebooks
Ko Mod tētahi pukatuhipoka pepa ka urua mai i te kapua. Tuhituhi tuhipoka ki te pene me te pepa e waia ana, kātahi te whakamamati i ō whārangi mō te kore utu. Ka taea ia whārangi o tētahi pukatuhipoka kua oti te tukutahi ki OneNote me te tiaki ake tonu atu.
NeatConnect
Ka tahuri a NeatConnect i ngā putunga pepa ki te tuhinga mamati, ka tukua tika pū ki OneNote - kāhore ia he rorohiko. Mai i tētahi rūma i tō whare, tētahi wāhi rānei i te tari, mā te hototahitanga Wi-Fi o NeatConnect me te atanga matapā he tere te karapa ki OneNote, he māmā hoki e penapena tāima ai koe, mea ana he tino raupapa koe, he huhua.
News360
He taupānga rongokōrero koreutu te News360, he mea whakawhaiaro ka ako i ngā mea e pai ana koe, ka kamakama haere i te nui o te whakamahinga. Me ngā mātāpuna 100,000+, rite tonu te puta mai o ngā mea whaitake hei pānui, ka taea hoki te tiaki kōrero makau tika pū ki OneNote mā te pato i te pātene kotahi.
Nextgen Reader
He pūpānui RSS tere, mā, ātaahua hoki mō te Windows Phone. E tuku ana kia tiaki tika tonu koe i te tuhinga ki OneNote. Kia koa tō pānuitanga!
Office Lens
He rite te Office Lens ki te pūkarapa i tō pūkoro. Kaua rā e mahue ngā tuhipoka i te papamā, papapango rānei, kaua anō e rapu tuhinga kua ngaro, kāri pakihi rānei, rihīti, tuhipoka piripiri rānei! Mā Office Lens ka taea tūmatarautia ai ō pikitia te pānui, me te whakamahi anō. Hopu ihirangi ki roto pū ki a OneNote me te kuti me te tahitahi aunoa.
OneNote For AutoCAD
Ka taea mā OneNote mō AutoCAD koe te tuhi kōrero i te taha o tō tātuhi mai i roto o AutoCAD. Mā tēnei ka hiki te whaihuatanga o ngā kaimātai hoahoanga, pūhanga hoki puta noa i te ao mā te whakamahi i te AutoCAD ki te waihanga tātuhi ahu-2, ahu-3 hoki. Ka pūruatia ēnei tuhipoka ki te kapua, ā, ka taea i ngā wā katoa. Ka taea e ngā kaiwhakamahi ngā tuhipoka te kite ina huakina mai anō te tātuhi i AutoCAD.
OneNote Class Notebooks
Whakaritea ō mahere akoranga, ihirangi whakaakoranga i roto i tāu ake pukatuhipoka mati whai mokowā mahi whaiaro mā ia ākonga, whai rārangi ihirangi mō ngā rauemi tohatoha, me tētahi mokowā mahitahi mō ngā akoranga, hohenga auaha hoki.
OneNote Web Clipper
Ka tukuna koe e te OneNote Web Clipper kia tiaki whārangi tukutuku mai i tō pūtirotiro ki ō pukatuhipoka OneNote. Kotahi noa te pāwhiri, nā māna koe e āwhina ki te hopu wawe i ngā aha, me te mahara ki ngā mea nui ake o te ora.
Powerbot for Gmail
Tiakina ngā īmēra hira, ngā kōrerorero me ngā āpitihanga hāngai tonu ki OneNote mai te atanga Gmail. Ka mutu te hūpeke haere i waenga taupānga.
WordPress
Tuhia ō tare WordPress ki tētahi pūrere, ahakoa whakawhiti pūhara, ahakoa tuihono, tuimotu rānei ki OneNote, me te whakamahi anō i runga i te māmā ngā ihirangi mai i ō tuhipoka katoa.
Zapier
Ko Zapier te ara māmā rawa hei hono i a OneNote ki ngā taupānga e mahi kē ana koe, pērā i a Salesforce, Trello, Basecamp, Wufoo me Twitter. Whakamahia tēnei taupānga ki te pūrua tuhipoka, pupuri pūrongo mō ngā tūmahi kua oti, te tiaki rānei i ngā hoapā hōu, whakaahua, whārangi tukutuku, me ētahi atu mea.